Published by : Rana Kajal

બોલિવૂડ ફિલ્મમેકર વિવેક રંજન અગ્નિહોત્રીની ફિલ્મ ‘ધ કાશ્મીર ફાઈલ્સ’ના નામે વધુ એક ખિતાબ જોડાઈ ગયો છે. તાજેતરમાં યોજાયેલ ભારતીય ટેલિવિઝન એવોર્ડ્સ 2022 (ITA એવોર્ડ્સ 2022)માં આ ફિલ્મનું સન્માન કરવામાં આવ્યું છે.

આ વર્ષે રિલીઝ થયેલી ફિલ્મ ‘ધ કાશ્મીર ફાઈલ્સ’ને લઈને ઘણો વિવાદ રહ્યો છે. ફિલ્મ કેટલાક દર્શકોને પસંદ આવી તો કેટલાક લોકોએ તેને પ્રોપગેન્ડા ગણાવીને તેની ટીકા કરી. વિવેક અગ્નિહોત્રીની આ ફિલ્મે તેની રસપ્રદ વાર્તા સાથે ભારતીય સિનેમામાં ભારે પ્રભાવ ઉભો કર્યો છે. અગ્નિહોત્રીને ડાયરેક્ટર તરીકે પણ ઘણી પ્રશંસા મળી છે. હાલમાં આ ફિલ્મને ભારતીય ટેલિવિઝન એવોર્ડ્સ (ITA)માં ભારતીય સિનેમાની ગોલ્ડન ફિલ્મ તરીકે સમ્માનિત કરવામાં આવી હતી.

ફિલ્મ નિર્દેશકે પોતે  સોશિયલ મીડિયા પર ટ્રોફી સાથેના ફોટા શેર કરીને દર્શકોનો આભાર વ્યક્ત કર્યો છે. એવોર્ડ શોના ફોટા શેર કરતા વિવેક અગ્નિહોત્રીએ લખ્યું, #TheKashmirFiles ને ગોલ્ડન એવોર્ડ આપવા બદલ @TheITA_Official તમારો આભાર..આ લોકોની ફિલ્મ છે. હું માત્ર એક માધ્યમ છું…અમે આ એવોર્ડ નરસંહારથી પીડિત તમામ કાશ્મીરી હિન્દુ પીડિતોને સમર્પિત કરીએ છીએ.