Published by : Vanshika Gor

હોળી પહેલા સામાન્ય માણસ મોંઘવારીનો ભોગ બન્યો છે. ઓઈલ કંપનીઓએ કોમર્શિયલ અને ડોમેસ્ટિક સિલિન્ડરના ભાવમાં વધારો કર્યો છે. ગેસના નવા દરો બુધવારથી લાગુ થઈ ગયા છે. ઘરેલું અને કોમર્શિયલ બંનેના ભાવમાં વધારો કરવામાં આવ્યો છે. ઘરેલું ગેસ 50 રૂપિયા મોંઘો થયો છે, જ્યારે કોમર્શિયલ સિલિન્ડર 350 રૂપિયા મોંઘો થયો છે.

1 માર્ચથી 19 કિલોના કોમર્શિયલ એલપીજી સિલિન્ડરની કિંમતમાં 350.50 રૂપિયાનો વધારો કરવામાં આવ્યો છે. દિલ્હીમાં 19 કિલોના કોમર્શિયલ સિલિન્ડરની કિંમત હવે 2119.50 રૂપિયા થશે. 14.2 કિલોના ઘરેલુ એલપીજી સિલિન્ડરની કિંમતમાં 50 રૂપિયાનો વધારો કરવામાં આવ્યો છે. દિલ્હીમાં 14.2 કિલોના ઘરેલુ એલપીજી સિલિન્ડરની કિંમત 1103 રૂપિયા હશે.

8 મહિના પછી ગેસના ભાવમાં વધારો થયો
જુલાઈથી ગેસના ભાવ સ્થિર હતા. છેલ્લી વખત 6 જુલાઈના રોજ ગેસના ભાવમાં વધારો કરવામાં આવ્યો હતો. ગેસ કંપનીઓએ સિલિન્ડરના ભાવમાં 50 રૂપિયાનો વધારો કર્યો છે. ત્યારે સ્થાનિક એલપીજીની કિંમત 1053 રૂપિયા થઈ ગઈ છે.