• સુરત સ્ટેશનને વર્લ્ડક્લાસ બનાવવાનું શરૂ….સિમેન્ટ યાર્ડ ખાલી કરાયા.. સુરતથી ઉપડતી ટ્રેનોને ઉધનાથી દોડાવવા મંજૂરી મંગાઈ

ગુજરાતના સુરત સ્ટેશનને વિશ્વ સ્તરનું બનાવવાની શરૂઆત કરવામાં આવી છે આશરે 877 કરોડના મહત્વાકાંક્ષી પ્રોજેક્ટની વર્ષ 2016માં જાહેરાત કરાયા બાદ ડિઝાઈન સહિત અનેક ફેરફાર કરાયા હતા સુરત સ્ટેશનનો રિડેવલપમેન્ટ પ્રોજેક્ટ આખરે 6 વર્ષે શરૂ થયો છે. જેમાં સિમેન્ટ યાર્ડને ખાલી કરીને બેરીકેટ લગાવી દેવાયા છે. હવે ત્યાં નવા પ્લેટફોર્મ બનાવાશે. હવે અહીં 2016માં જાહેર કરાયા મુજબ 877 કરોડના ખર્ચે નવું રેલવે સ્ટેશન તૈયાર કરાશે. આ પ્રોજેક્ટ  48 મહિનામાં પુરો કરી દેવાનો ટાર્ગેટ છે જેના માટે માટે RLDA, SITC, SMC અને GSRTC પણ સક્રીય ભાગ લાશે. તેમજ BRTSને પણ જોડી દેવાશે. સુરત ઇન્ટિગ્રેટેડ ટ્રાન્સ્પોટેશન ડેવલપમેન્ટ કોર્પોરેશનના ઉચ્ચ અધિકારીએ કહ્યું કે, આગામી દિવસોમાં હાલના સ્ટેશનના પ્લેટફોર્મનું ક્રમશ: ડિમોલીશન કરી બાંધકામ શરૂ કરાશે. હાલમાં સુરતથી ઉપડતી ટ્રેનો ઉધનાથી ઉપડશે.આ માટે રેલવે બોર્ડની પાસેથી મંજૂરી માંગી છે.

સુરત સ્ટેશનનું કામ શરૂ થશે ત્યારે ઉધના સ્ટેશન ઉપર બનાવાયેલા બે નવા પ્લેટફોર્મનો ઉપયોગ ટ્રેનોને ડાયવર્ટ કરવા માટે કરી શકાશે. હાલમાં સુરત સ્ટેશનથી તાપ્તી ગંગા એક્સપ્રેસ, સુરત અમરાવતી એક્સપ્રેસ, સુરત મુઝફ્ફરપુર એક્સપ્રેસ સહિતની અનેક ઇન્ટરસિટી અને મેમુ ટ્રેનો ઉપડી રહી છે. આ તમામ ટ્રેન ચોથા નંબરના પ્લેટફોર્મ ઉપરથી ઉપડે છે, પરંતુ હવે આ ટ્રેનને ઉધના ડાયવર્ટ કરીને ત્યાંથી ઉપાડવા માટે તજવીજ શરૂ કરાઈ છે. સૂરત રેલવે સ્ટેશન માં શું નવું કરવામાં આવશે તેની વિગત જોતાં અલગ એન્ટ્રી-એક્ઝિટ સાથે કોન્કોર્સ અને VIP લાઉન્જ હશે. તેમજ ઈન્ટિગ્રેટેડ ટ્રાન્સપોર્ટેશન હેઠળ બસ સ્ટેશન પણ બનાવાશે. અને 18 મીટરની ઊંચાઈ પર રૂફ પ્લાઝા-કોમર્શિયલ પ્લાઝા પણ હશે. સાથેજ મલ્ટિ-મોડલ ટ્રાન્સપોર્ટેશન હબ રેલ્વે, બસ, મેટ્રો, BRTS, ખાનગી વાહનો, રસ્તાઓને એકીકૃત કરાશે.મુખ્ય આકર્ષણો ની વિગત જોતાં ઇન્ટરસિટી બસ સ્ટેશન,આંતરરાજ્ય બસ સ્ટેશન,વ્યાપારી ટાવર,4 વધારાના પ્લેટફોર્મ તથા મોલ વગેરે ખાસ આકર્ષણ નો ઉમેરો કરવામાં આવશે…