• એકનું મોત, ૮ને ઈજા પહોંચી

સુરત શહેરના ભટાર વિસ્તારમાં બીજા માળેથી મિલની લિફ્ટ તૂટતા 9 લોકો નીચે પટકાયા હતા.

મળતી માહિતી અનુસાર, સુરતના ભટાર વિસ્તારમાં આવેલ શાંતિવન મિલમાં લિફ્ટ તૂટવાની ઘટના બની હતી. શાંતિવન મિલમાં બીજા માળે એકાએક લિફ્ટ ખોટકાઈ જતા તમામ લોકો નીચે પટકાયા હતા. આ દુર્ઘટનામાં એકનું કોટ નીપજ્યું છે તો ૮ લોકોને ઈજાઓ પહોંચી હતી. ઈજાગ્રસ્તોને ૧૦૮ સેવાની મદદ વદ તાત્કાલિક સારવાર અર્થે હોસ્પિટલ ખસેડવામાં આવ્યા હતા. ઇજાગ્રસ્તોમાંથી કેટલાક લોકોની કમર તૂટી ગઈ છે તો કેટલાકના પગ ફ્રેકચર થયા છે.

અત્રે ઉલ્લેખનીય છે કે થોડાક દિવસો પહેલા જ અગાઉ અમદાવાદ અને સુરતમાં પણ આવી લિફ્ટ તૂટવાની ઘટના ઘટી હતી. અમદાવાદમાં ગુજરાત યુનિવર્સિટી નજીક એસ્પાયર – 2 નામની બિલ્ડિંગમાં બાંધકામના કામ દરમિયાન લિફ્ટ તૂટી પડી હતી. આ ઘટનામાં 7 શ્રમિકોના મોત નિપજ્યાં હતા. તો સુરતના પાંડેસરાના વડોદ ગામ નજીક પ્લેટિનિયમ કોમ્પ્લેક્સમાં કોમર્શિયલ લિફ્ટ તૂટ્યાની ઘટના સામે આવી હતી. જેમાં 2 લોકોના મોત નિપજ્યા હતા. જેના લીધે કોન્ટ્રાક્ટર અને તંત્ર સામે પ્રશ્નો ખડા થયા છે.