Published by : Vanshika Gor
આજે ગૂગલે તેનું ગૂગલ ડૂડલ મલયાલમ સિનેમાની પ્રથમ મહિલા અભિનેત્રી પીકે રોઝીના સન્માનમાં બનાવ્યું છે. પીકે રોઝીનો જન્મ 10 ફેબ્રુઆરી, 1903ના રોજ તિરુવનંતપુરમમાં થયો હતો, જે અગાઉ ત્રિવેન્દ્રમ (કેરળની રાજધાની) હતું. રોઝીને ખૂબ જ નાની ઉંમરે એક્ટિંગનો શોખ હતો. રોઝીએ મલયાલમ ફિલ્મ વિગાથાકુમારન (ધ લોસ્ટ ચાઇલ્ડ) માં તેના કામ સાથે આ અવરોધોને તોડી નાખ્યા હતા. જો કે તેમના સમગ્ર જીવનમાં તેમના કામ માટે કદી પ્રશંસા કરવામાં આવી ન હતી, પરંતુ આજે પણ તેમની કહાની ઘણા લોકોને પ્રેરણા આપે છે.પીકે રોઝી 1928ની સાયલન્ટ મલયાલમ ફિલ્મ વિગાથાકુમારન (ધ લોસ્ટ ચાઈલ્ડ)માં લીડ એેક્ટ્રેસ હતી. તે મલયાલમ સિનેમાની પ્રથમ અભિનેત્રી અને ભારતીય સિનેમાની પ્રથમ દલિત અભિનેત્રી હતી. આ ફિલ્મમાં તેણે સરોજિની નામની નાયર મહિલાની ભૂમિકા ભજવી હતી.
જ્યારે ફિલ્મ રીલિઝ થઈ ત્યારે એક સમુદાય ઘણો ગુસ્સે થયો હતો અને તેણીની દલિત મહિલા તરીકેની ભૂમિકાને કારણે ઉચ્ચ જાતિના લોકોએ તેનું ઘર બાળી નાખ્યું હતું. પોતાનો જીવ બચાવવા રોઝી તમિલનાડુ તરફ જઈ રહેલી એક લારીમાં બેસીને ભાગી ગઈ હતી.
ત્યારબાદ તેણીએ કેશવન પિલ્લઈ એક લારી ડ્રાઈવર સાથે લગ્ન કર્યા હતા અને તેણીનું જીવન ‘રાજમ્મલ’ તરીકે વિતાવ્યું. રોઝી ક્યારેય પ્રસિદ્ધિ સુધી પહોંચી ન હતી અને તેના બદલે તેના અભિનયના ભૂતકાળના જીવનથી અલગ રહી હતી. મલયાલમ સિનેમામાં મહિલા અભિનેત્રીઓની એક સોસાયટીએ પોતાનું નામ પીકે રોઝી ફિલ્મ સોસાયટી રાખ્યું છે.
