૧૪ જાન્યુઆરી શનિવારે અને ૧૫ જાન્યુઆરી રવિવાર એટલે બે દિવસ લોકો મન મૂકીને પતંગ ચગાવશે ૧૪ જાન્યુઆરી જાહેર રજા હોય છે. પરંતુ વાસી ઉત્તરાયણની નથી હોતી પણ આ વખતે વસી ઉત્તરાયણે રવિવાર હોય રજાનો માહોલ સેટ થયો છે. આથી લોકો ધાબા પર બંને દિવસ નજર આવશે.આખો દિવસ “કાપ્યો છે!” “એ કાટ્ટા!” “લપેટ લપેટ” જેવી વિવિધ ચિચીયારીઓ સાંભળવા મળશે.આ એક હળીમળીને સંયુક્ત રીતે આનંદ માણવાનો તહેવાર છે. લોકો આખો દિવસ પોતાની પતંગ ઉડાડવાની કલાનું અન્ય ઉડતી પતંગોને કાપીને પ્રદર્શન કરે છે.
પતંગ શબ્દ ક્યાંથી આવ્યો
ઋગ્વેદમાં સૂર્ય માટે ‘પતંગ’ શબ્દ વપરાયો છે. પ્રાચીન ગ્રંથો મુજબ સૂર્ય પાસે કલ્યાણ થાય છે તથા અમંગળ, દરિદ્રતા અને રોગ દૂર થાય છે.આ સમયે ઉત્તર દિશામાં પવન હોય છે.આ દિવસે પતંગ ચગાવીને દિશા નક્કી કરાય છે આ ઉપરાંત આ દિવસે સૂર્ય સમક્ષ રહેવું વધુ સારુ હોવાથી લોકો આખો દિવસ પતંગ ચગાવે છે અને સૂર્યના કિરણોથી પોઝિટિવિટીનો અનુભવ કરે છે.
