ગણેશજી માટે સ્પેશિયલ ઓટ્સ વર્મિસેલી લાડુની રેસીપી…

ગણપતિ બાપ્પાને ધરાવો તેમની મનભાવતી મીઠાઇ જે બાપ્પાને અતિ પ્રિય છે. ગણેશચતુર્થી દરેક ઘરમાં આનંદ – ઉલ્લાસથી ઊજવાય છે . આ પાવન પર્વમાં બાપ્પાને ખુશ કરવા માટે બનાવો ઘરે સહેલાઈથી બનતી મીઠાઈ જે છે ઓટ્સ વર્મિસેલી લાડુ

સામગ્રી

વર્મિસેલી – અડધો કપ

ઓટ્સ – અડધો કપ

ખાંડ – અડધો કપ

ઈલાયચી પાઉડર – પા ચમચી

કાજુટુકડા અડધો કપ

દૂધ – પા કપ

બદામ – પા કપ

રીત

કડાઈને ધીમા તાપે ગરમ થવા મૂકો. ગરમ કડાઈમાં વર્મિસેલી ઉમેરો. સહેજ રંગ બદલાય અને સુગંધ આવે ત્યાં સુધી તેને શેકો. હવે તેને સાઈડમાં રાખો અને એ જ પેનમાં ઓટ્સને શેકો. મિક્સર જારમાં ઓટ્સ , કાજુ , બદામ અને ખાંડને ક્રશ કરી પાઉડર બનાવી લો . હવે એક બાઉલમાં ઓટ્સ મિશ્રણ , વર્મિસેલી અને દૂધને મિક્સ કરો . હથેળી પર થોડું ઘી લગાવીને લાડુ વાળી લો. લાડુને ફ્રિજમાં સેટ થવા માટે એક કલાક મૂકો. એરટાઈટ ડબ્બામાં આ લાડુને ભરી લેવા.