Published By:- Bhavika Sasiya

શું તમે કોઈવાર  વિચાર્યું છે કે તમારે તમારા ઘરમાં રાખેલા મેકઅપ બ્રશને કેટલી વાર સાફ કરવા જોઈએ? 40 ટકા લોકોનુ કેહવુ છે કે તેઓ 2 અઠવાડિયામાં તેમના બ્રશ સાફ કરે છે, જ્યારે 20 ટકા લોકો માનતા હતા કે તેઓ 1-3 મહિના પછી તેને સાફ કરે છે.મેકઅપ બ્રશ ઘણા દિવસો અને અઠવાડિયા સુધી સાફ કરવામાં આવતાં નથી. સ્પેક્ટ્રમ કલેક્શન દ્વારા કરવામાં આવેલા નવા સંશોધન મુજબ, મેકઅપ બ્રશ, જો યોગ્ય રીતે સાફ ન કરવામાં આવે તો, આપણા ઘરમાં ટોયલેટ સીટ જેટલા બેક્ટેરિયા એકઠા થઈ શકે છે. કોસ્મેટિક સાયન્ટિસ્ટ કાર્લે મુસ્લેહે પણ આ વાતની પુષ્ટિ કરી છે. જો બ્રશને વારંવાર સાફ કરવામાં ન આવે તો, કલ્પના કરો કે ટોયલેટ સીટ પર રહેલા બેક્ટેરિયા આપણા ચહેરા પર પણ ઘર કરી શકે છે. તમે સુંદર દેખાશો પણ બીમાર પડી શકો છો. તેનાથી સ્ટેફાયલોકોકલ જેવા ગંભીર ચેપ પણ થઈ શકે છે.

અભ્યાસમાં ફાઉન્ડેશન બ્રશના બે સેટનો ઉપયોગ કરવામાં આવ્યો હતો. એક સ્વચ્છ અને એક ગંદું હતું. જ્યારે 2 અઠવાડિયાના પરીક્ષણ સમયગાળા પછી બંને બ્રશની સરખામણી કરવામાં આવી હતી. ગંદા બ્રશની સરખામણી ટોઇલેટ સીટમાંથી લીધેલા સ્વેબ સાથે કરવામાં આવી હતી.

 સંશોધકોએ બેડરૂમ, મેકઅપ બેગ, બ્રશ બેગ, બ્રશ ડ્રોઅર અને બાથરૂમ સહિત વિવિધ સ્થળોએ બ્રશ મૂક્યા. આ અભ્યાસમાં જે પરિણામ આવ્યું છે તે મુજબ ટોયલેટ સીટ કરતાં દરેક જગ્યાએ રાખવામાં આવેલા બ્રશમાં વધુ બેક્ટેરિયા હોય છે. બીજી તરફ, સ્વચ્છ બ્રશમાં બેક્ટેરિયા ઓછા હતા.