• જો ઉંમર અને 3 ટર્મનો નિયમ લાગુ કરાય તો 30 થી વધુ મુરતિયા ઘરે બેસે

ગૂજરાત વિધાનસભાની ચુંટણી અંગેની જાહેરાત નજીકના દિવસોમાં જ થાય તેવી ગણતરી મુકાઇ રહી છે ત્યારે ભારતીય જનતા પાર્ટી દ્વારા ચૂંટણી અંગે ઉમેદવારો માટે કેટલાક માપદંડો નક્કી કરવામાં આવ્યા છે તેવું જાણવા મળેલ છે આ માપદંડોની વિગત જોતાં 60 વર્ષ કે તેથી વધુ વય ધરાવતા અને 3 ટર્મથી લડતા ઉમેદવારને ભાજપ મોવડી મંડળ ટિકિટ નહિ આપે જો આમ થાય તો વય મર્યાદાના પગલે મૂખ્યમંત્રી ભૂપેન્દ્ર પટેલ 62 વર્ષના હોવાથી તેમની ટિકિટ કપાય, જ્યારે રાજેન્દ્ર ત્રિવેદી રાઘવજી પટેલ, નીતિન પટેલ, આર. સી. ફળદુ, ભૂપેન્દ્ર સિંહ ચુડાસમા, યોગેશ પટેલ, કુંવરજી બાવળિયા, જવાહર ચાવડા દિલીપ ઠાકોર, સોરભ પટેલ, વાસણ આહિર, કિશોર ચોહાણ, બાબુભાઈ પટેલ, મધુ શ્રીવાસ્તવ,પુરુષોત્તમ સોલંકી અને રાકેશ શાહ 60 વર્ષ કરતાં વધુ વય પણ ધરાવે છે અને 3 ટર્મ થી ચૂંટણી લડી રહ્યા છે.તેથી તેમની ટિકિટ કપાય તેવી સંભાવના છે અલબત્ત આ ધોરણોને ભાજપ કેટલું પાળે છે તે જોવું રહ્યુ. ભરૂચ જિલ્લાના પણ વર્તમાન ધારાસભ્યો પણ આ જ પરિસ્થિતિમાં આવે છે તો તેઓ પણ કપાઈ શકે છે..