Published by : Rana Kajal
ભરૂચના સ્ટેશન રોડ પર આવેલા રંગોલી કોમ્પલેક્ષની બંધ દુકાનમાં આગ લાગતા દોડધામ મચી જવા પામી હતી
ભરૂચના સ્ટેશન રોડ ઉપર શાલીમાર નજીક આવેલ રંગોલી કોમ્પ્લેક્ષ ખાતે જૂની તૃપ્તિ હોટલની જગ્યા પર આજરોજ અચાનક આગ ભભૂકી ઉઠી હતી. આગના ધુમાડાને પગલે સ્થાનિકો દોડી આવ્યા હતા અને ભરૂચ નગર પાલિકાના ફાયર વિભાગમાં જાણ કરાતા ફાયર ફાયટરો તાત્કાલિક સ્થળ પહોંચી પાણીનો મારો ચલાવી ગણતરીની મીનીટોમાં આગ ઉપર કાબુ મેળવ્યો હતો. આગની ઘટનામાં કોઈને પણ જાનહાની નહિ થતા સૌ કોઈએ રાહતનો સ્વાસ લીધો હતો જો કે આગ ક્યાં કારણોસર લાગી તે જાણી શકાયું નથી પરંતુ શોર્ટસર્કિટના કારણે આગ લાગી હોવાનું પ્રાથમિક અનુમાન સેવાઈ રહ્યું છે.
