બોલિવૂડની ડ્રામા ક્વીન રાખી સાવંત દરરોજ હેડલાઇન્સમાં રહે છે. અભિનેત્રી વિશે દરરોજ કોઈને કોઈ સમાચાર બહાર આવે છે. અને હવે એક મોટા સમાચાર સામે આવી રહ્યા છે.મીડિયા રિપોર્ટ્સ અનુસાર, અંબોલી પોલીસે રાખીની ધરપકડ કરી છે. અભિનેત્રી શર્લિન ચોપરાએ આ સમાચારની પુષ્ટિ કરી અને ટ્વિટ કર્યું, ‘અંબોલી પોલીસે FIR 883/2022ના સંબંધમાં રાખી સાવંતની ધરપકડ કરી છે. રાખી સાવંતના ABA 1870/2022ને ગઈકાલે મુંબઈ સેશન્સ કોર્ટે ફગાવી દીધી હતી.

અત્રે ઉલ્લેખનીય છે કે નવેમ્બર 2022માં શર્લિન ચોપરાએ રાખી સાવંત વિરુદ્ધ એક પ્રેસ કોન્ફરન્સમાં પોતાનો અશ્લીલ વીડિયો બતાવતા અભદ્ર ભાષાનો ઉપયોગ કરવાનો આરોપ લગાવીને ફરિયાદ નોંધાવી હતી.રાખી સાવંત આજે બપોરે 3 વાગ્યે તેના પતિ આદિલ સાથે તેની ડાન્સ એકેડમી લોન્ચ કરવાની હતી, તે પહેલા પોલીસે શર્લિન ચોપરા કેસમાં તેની ધરપકડ કરી છે.