• સોનાના ભાવમાં આજે 0.32 ટકાનો ઘટાડો થયો
• ચાંદીનો રેટ 0.51 ટકા મજબૂત થયો

આંતરરાષ્ટ્રીય બજારમાં સોનાની કિંમતમાં સતત આજે ત્રીજા દિવસે ઘટાડો નોંધાયો છે. ભારતીય વાયદા બજારમાં પણ આજે સોનું અને ચાંદી લાલ નિશાનમાં સ્ટ્રેન્ડ કરી રહ્યા છે.

ભારતીય વાયદા બજારમાં સોના અને ચાંદીના ભાવમાં આજે ઘટાડો જોવા મળી રહ્યો છે. ત્યારે આજે આંતરરાષ્ટ્રીય બજારમાં સોનાની કિંમતમાં આજે સતત ત્રીજા દિવસે ઘટાડો થયો છે. પરંતુ ચાંદીમાં મજબૂતી આવી છે. ભારતમાં આજે સોનાની કિંમત 7 મહિનાની સૌથી નીચી સપાટીએ પહોંચી ગઈ છે.  મલ્ટી કોમોડિટી એક્સચેન્જ (MCX) પર સોનાની કિંમત 0.21 ટકા ઘટી છે. એ જ રીતે ચાંદી પર પણ 0.30 ટકા નીચી બોલી લગાવવામાં આવી રહી છે.

24 કેરેટ શુદ્ધતાનું MCX સોનું સવારે 105 રૂપિયા ઘટીને 49,338 રૂપિયા પ્રતિ 10 ગ્રામ પર આવી ગયું હતું. તો બજારમાં સોનામાં ટ્રેડિંગ રૂ. 49,314 ના સ્તરથી શરૂ થયો હતો. થોડા સમય પછી કિંમત 49,314  રૂપિયાના સ્તર પર પહોંચી ગઈ હતી. પરંતુ, બાદમાં થોડી તેજી આવી અને તે 49,338 રૂપિયા પર ટ્રેન્ડ કરવા લાગ્યુ હતું. આજે મલ્ટી કોમોડિટી એક્સચેન્જમાં ચાંદીના ભાવમાં પણ મંદી જોવા મળી રહી છે. ચાંદીનો ભાવ 172 રૂપિયા ઘટીને પ્રતિ કિલોગ્રામ 57,126 રૂપિયા પર આવી ગયો છે. ચાંદીમાં 56,961 રૂપિયાથી આજે કારોબાર શરૂ થયો હતો. થોડા સમય પછી કિંમતમાં વધારો થયો હતો અને 57,126 રૂપિયા પર ટ્રેડ થવા લાગી હતી.

સોનાના ભાવમાં આજે 0.32 ટકાનો ઘટાડો થયો છે. ત્યાં ચાંદીનો રેટ 0.51 ટકા મજબૂત થયો છે. આંતરરાષ્ટ્રીય બજારમાં સોનાની કિંમત આજે પ્રતિ ઔંસ 1,660.95 ડોલર થઈ ગઈ છે. તો ચાંદીની કિંમત વધીને 19.39 ડોલર પ્રતિ ઔંસ થઈ ગઈ છે.