• મિત્રને અંતિમ વીડિયો બનાવીને મોકલ્યા બાદ આપઘાત

ગત 22 ડિસેમ્બરના રોજ શહેરમાં ઉધના વિસ્તારમાં એક 30 વર્ષીય દીનારામ નામના યુવાને ગળે ફાંસો ખાઈ જીવન ટૂંકાવ્યું હતું.આ મામલે પોલીસે સૌ પ્રથમ વખત તો આપઘાતનો ગુન્હો નોંધી આગળની તપાસ કરી હતી.પરંતુ પોલીસને જેતે વખતે સુસાઇડ નોટ પણ મળી આવી હતી. પોલીસે સુસાઇડ નોટના આધારે તપાસ શરૂ કરી હતી. આ મામલે ચોંકાવનારી વિગતો સામે આવી છે. રૂપિયાની લેતીદેતીમાં આપઘાત કરી લેનારા યુવકે સુસાઈડ નોટ લખીને પોતાની પીડા વ્યક્ત કરી હતી. સાથે જ મિત્રને અંતિમ વીડિયો બનાવીને મોકલીને સમગ્ર હકીકતની જાણ કરી હોવાના પણ વીડિયો સામે આવ્યાં છે. એ વિડિઓના આધારે તપાસ ચાલુ છે. પોલીસે આ અંગે ગુનો નોધીને વધુ તપાસ હાથ ધરી છે.