Published by : Anu Shukla
- RBI પાયલોટ પ્રોજેક્ટથી ફરી આવશે સિક્કાનો જમાનો…
- RBI કેટલીક મોટી બેંકોના સહયોગથી QR કોડ-આધારિત સિક્કા માટે વેન્ડિંગ મશીન બનાવશે
- પાયલોટ પ્રોજેક્ટની શરૂઆતમાં દેશના 12 શહેરોમાં 19 સ્થળોએ શરૂ કરવામાં આવશે
લોકો વચ્ચે સિક્કાના વિતરણમાં સુધારો કરવા માટે RBI એક નવો પ્રોજેક્ટ હાથ ધરવાની વિચારણા કરી રહ્યું છે. ભારતીય રિઝર્વ બેંક કેટલીક મોટી બેંકોના સહયોગથી QR કોડ-આધારિત સિક્કા માટે વેન્ડિંગ મશીન પર એક પાયલોટ પ્રોજેક્ટની વિચારણા ચાલી રહી છે.
“QCVMએ એક પ્રકારનું કેશલેસ સિક્કા વિતરણ મશીન માટેનું મશીન છે જે યુનિફાઇડ UPIનો ઉપયોગ કરીને ગ્રાહકના બેંક ખાતામાંથી ડેબિટ કરી સિક્કાઓનું વિતરણ કરશે,” આ અંગેની જાહેરાત આજે RBIના ગવર્નર શક્તિકાંત દાસે નાણાકીય નીતિ નિવેદનમાં જણાવ્યું હતું.
જેમ રોકડ રકમ ઉપાડવા ATMમાં પરંપરાગત હાજરીથી જે રીતે પ્રક્રિયા કરી પૈસા ઉપાડવામાં આવે છે તેની જગ્યા પર આ સિક્કા વેન્ડિંગ મશીનમાં થોડું અલગ જોવા મળશે, QCVM બૅન્કનોટના ભૌતિક ટેન્ડરિંગ અને પ્રમાણીકરણની જરૂરિયાતને દૂર કરશે. ગ્રાહકો પાસે QCVMમાં જરૂરી જથ્થા અને સંપ્રદાયોમાં સિક્કા ઉપાડવાનો વિકલ્પ પણ હશે.
પાયલોટ પ્રોજેક્ટની શરૂઆતમાં દેશના 12 શહેરોમાં 19 સ્થળોએ શરૂ કરવાની યોજના છે. આ વેન્ડિંગ મશીનો સરળતા અને સુલભતા વધારવા સાર્વજનિક સ્થળો પર જેમ કે રેલ્વે સ્ટેશનો, શોપિંગ મોલ્સ, માર્કેટપ્લેસ પર સ્થાપિત કરવાનો હેતુ છે. પાયલોટ પરીક્ષણોમાંથી મળેલી પ્રતિક્રિયાના આધારે, QCVMનો ઉપયોગ કરીને સિક્કાઓના વધુ સારા વિતરણને પ્રોત્સાહન આપવા માટે બેંકોને માર્ગદર્શિકા જાહેર કરવામાં આવશે.
