Published by : Rana Kajal

ઓસ્ટ્રેલિયામાં રમાઇ રહેલા ટી-20 વર્લ્ડકપની આજે ફાઇનલ મેચ રમાશે. ફાઇનલ મેચ પાકિસ્તાન અને ઇગ્લેન્ડ વચ્ચે મેલબોર્નમાં રમાશે. આ ટાઈટલ મેચમાં પાકિસ્તાનનો સામનો ઈંગ્લેન્ડની ટીમ સાથે થશે. ફાઇનલ મેચ ભારતીય સમય અનુસાર બપોરે 1.30 કલાકે શરૂ થશે. જે પણ ટીમ જીતશે, તેનું બીજું T20 વર્લ્ડ કપ ટાઇટલ હશે.

આ પહેલા પાકિસ્તાને 2009માં T20 વર્લ્ડ કપનો ખિતાબ જીત્યો હતો જ્યારે ઇગ્લેન્ડ 2010માં ટી-20 વર્લ્ડકપમાં ચેમ્પિયન બની હતી. આ વખતે ઈંગ્લેન્ડને ફેવરિટ માનવામાં આવી રહ્યું છે. પરંતુ પાકિસ્તાન પણ નબળી ટીમ નથી. સેમીફાઈનલમાં ઈંગ્લેન્ડે ટીમ ઈન્ડિયાને હરાવ્યું હતું. જ્યારે પાકિસ્તાને ન્યૂઝીલેન્ડને હરાવ્યું હતું.