વિશ્વનો સૌથી ધનિક પ્રાણી જર્મન શેફર્ડ જાતિનો પાલતુ શ્વાન છે. આ શ્વાન પાસે ભારતના પશુપાલન અને ડેરી વિભાગના એક વર્ષના બજેટ જેટલી સંપત્તિ છે. આ શ્વાન પાસે 4 હજાર 132 કરોડથી વધુની સંપત્તિ છે. તે જ સમયે, 2022-23 માટે ભારતના પશુપાલન અને ડેરી વિભાગનું બજેટ 4 હજાર 288 કરોડ હતું. આ એકમાત્ર પ્રાણી નથી જેની પાસે પુષ્કળ પૈસા છે. ઘણા એવા પ્રાણીઓ છે જેમણે પોતાના માલિક, બિઝનેસ કે સોશિયલ મીડિયાની મદદથી કરોડોની સંપત્તિ એકઠી કરી છે. ઓલ અબાઉટ કેટ્સે ધ અલ્ટીમેટ પેટ રિચ લિસ્ટ બહાર પાડ્યું છે. જેમાં વિશ્વના સૌથી અમીર પાલતુ પ્રાણીઓની વાત કરવામાં આવી છે.
નાલા કેટ ઇન્સ્ટાગ્રામ પર સૌથી વધુ ફોલો કરવામાં આવતી બિલાડી છે. તેના 40 લાખથી વધુ ફોલોઅર્સ છે. તેનું નામ ગિનિસ બુક ઓફ વર્લ્ડ રેકોર્ડમાં પણ નોંધાયેલું છે. આ સિયામી-પર્શિયન બિલાડીની કુલ સંપત્તિ રૂ. 826 કરોડ છે. નાલા કેટના પાલતુ માતા-પિતા પણ તેના નામથી પ્રીમિયમ કેટ-ફૂડ કંપની ચલાવે છે.
