વડોદરા વાઘોડિયા વિધાનસભા મતક્ષેત્રના કોંગ્રેસના ઉમેદવાર આજરોજ ઉમેદવારી પત્ર ભરવા પહોંચ્યા હતા. તેઓ સાથે જનમેદની હતી. ખાસ વાત એ હતી કે તેઓ ઉમેદવારી પત્ર ભરવા માટે બળદગાડામાં પહોંચ્યા હતા.

બીજા તબક્કાની ચૂંટણી માટે ઉમેદવારી પત્ર ભરવાની અંતિમ તારીખ ગુરુવારે છે ત્યારે આજરોજ વડોદરા વાઘોડિયા માટે વિસ્તારના કોંગ્રેસના ઉમેદવાર અને રાજ ઘરાણામાંથી આવતા સત્યજિત ગાયકવાડ દ્વારા ઉમેદવારી પત્ર ભરવામાં આવ્યું હતું. આજરોજ તેઓ પોતાના સમર્થકો સાથે બળદ ગાડામાં ઉમેદવારી પત્ર ભરવા પહોંચ્યા હતા. આદિવાસી નૃત્ય સાથે લોકોએ તેઓનું સ્વાગત પણ કર્યું હતું. તેઓએ જણાવ્યું હતું કે એક તરફ મોંઘવારીના ખપ્પરમાં લોકો હોમાઈ રહ્યા છે ત્યારે તેઓએ તેના પ્રતીક સ્વરૂપે બળદગાડામાં રેલી કાઢી હતી

(ઇનપુટ : જીતેન્દ્ર રાજપૂત, વડોદરા)