ગુજરાતના પોરબંદરમાં ભારતીય નૌકાદળની તમામ મહિલા એરક્રુએ એક નવો ઈતિહાસ રચ્યો છે. ગઈ કાલે 03 ઓગસ્ટ 2022 ના રોજ INAS 314 નેવલ એર એન્ક્લેવ સ્થિત ભારતીય નૌકાદળના પાંચ અધિકારીઓએ આ ઈતિહાસ રચ્યો હતો. જેમાં તેઓએ ઉત્તર અરબી સમુદ્રમાં ડોર્નિયર 228 વિમાનમાં સૌપ્રથમ મહિલા સ્વતંત્ર મેરીટાઇમ રિકોનિસન્સ અને સર્વેલન્સ મિશન પૂર્ણ કર્યું હતું
પ્રાપ્ત વિગતો અનુસાર પોરબંદર સ્થિત INAS 314 નેવલ એર એન્ક્લેવ, ભારતીય નૌકાદળના પાંચ અધિકારીઓએ ડોર્નિયર 228 વિમાનમાં ઉત્તર અરબી સમુદ્રમાં સૌપ્રથમ મહિલા સ્વતંત્ર મેરીટાઇમ રિકોનિસન્સ અને સર્વેલન્સ મિશન પૂર્ણ કરીને ઇતિહાસ રચ્યો છે. આ એરક્રાફ્ટનું નેતૃત્વ મિશન કમાન્ડર લેફ્ટનન્ટ કમાન્ડર આંચલ શર્માએ કર્યું હતું. જેમની ટીમમાં પાયલોટ તરીકે લેફ્ટનન્ટ શિવાંગી અને લેફ્ટનન્ટ અપૂર્વ ગીતે હતા. સાથે ટેક્ટિકલ અને સેન્સર ઓફિસર્સ, લેફ્ટનન્ટ પૂજા પાંડા અને એસએલટી પૂજા શેખાવત હતા.
INAS 314 એ પોરબંદર સ્થિત ફ્રન્ટલાઈન નેવલ એર સ્ક્વોડ્રન છે.અને તે અત્યાધુનિક ડોર્નિયર 228 મેરીટાઇમ રિકોનિસન્સ એરક્રાફ્ટનું સંચાલન કરે છે. સ્ક્વોડ્રનનું કમાન્ડ Cdr SK ગોયલ, એક લાયક નેવિગેશન પ્રશિક્ષક દ્વારા કરવામાં આવે છે. મહિલા અધિકારીઓએ આ ઐતિહાસિક સૉર્ટી સુધીની દોડમાં મહિનાઓની ગ્રાઉન્ડ ટ્રેનિંગ અને વ્યાપક મિશન બ્રીફિંગ મેળવ્યા હતા.
